《深宮計》嗒完胡定欣再同周秀娜 網民:馬浚偉你真識食

2018年06月13日     42     檢舉

剛有新劇《宮心計2深宮計》開播的馬浚偉,大談重返無綫拍《深宮計》嘅感受,以及對網民指佢最適合演清裝嘅評價,仲劇透自己喺《深宮計》入面嘅角色,絕對唔再係「正義L」!

馬浚偉:「要出去闖嚇」

點解會離開又返番無綫?馬浚偉指:「我12年尾離開無綫,13年尾我已經以部頭約形式返去,拍咗《守業者》,去年再返去拍《宮心計2深宮計》,我諗喺唔喺無綫裡面唔係最重要,問題係個情感仲喺咪度。我自己第一集電台節目都請咗樂(易玲)小姐,當初我同佢的確喺工作上有啲理念唔係好一致,亦都有少少誤會,但我哋依家係好好嘅朋友,回想番,當初大家都有不足嘅地方,我哋私底下傾咗好多次偈。」

贊助商鏈接

馬浚偉13年尾曾以部頭約形式返無綫拍《守業者》,當時大結局收視都有32點。

搶先睇鹹濕周秀娜 本文壓軸最尾有片!

想睇18集馬浚偉「鹹濕周秀娜」場面,請留意呢篇文章最底嘅預告!

馬浚偉續說:「我決定離開無綫,一嚟自己都到咗一個樽頸位,第二,做一個男藝人,應該要出去闖嚇、要見嚇出面嘅世界,同唔同嘅製作人合作,合作過先知道點樣再去提升自己。依家我同TVB都仲係部頭約嘅形式,啱嘅角色、劇本,我就會返去,如果唔係,我都會畀自己繼續喺出面自自由由,依家我身上冇任何一張合約,我只簽畀我自己公司。」

贊助商鏈接

對收視冇壓力

馬浚偉主演講宮鬥的《宮心計2深宮計》:「我最鍾意嘅係今次每一個演員都有發揮,每一個都有一條自己嘅線,環環緊扣,內容好豐富。」

而講到再返去拍《深宮計》嘅感受,馬浚偉表示:「《深宮計》真心講,係好值得睇嘅一套劇集,佢係騰訊投資,同無綫合作嘅合拍劇,第二係全單機拍攝,以往拍電視係三部機拍,今次全部係電影咁嘅形式,每一個鏡頭都要執一次燈,效果真係好靚。」

贊助商鏈接

劇集拍攝期特別長,有睇劇的觀眾可以留意畫面細節有別一般廠景劇。

李隆基 唔係 李龍基

「個故事講我飾演嘅唐玄宗李隆基,我同太平公主陳煒本來一齊對付我阿哥,後尾各自心懷不軌,佢想做女皇帝,我想做皇帝,就展開鬥爭。今次《深》唔淨止女人嘅鬥爭,鬥爭會更加複雜,人物會更加多。」

抗拒做正義L

問佢對收視有冇壓力同期望?馬浚偉笑言:「冇嘞,依家唔會再有呢啲壓力㗎嘞,因為依家嘅收視計法都唔同曬,以前冇咁多平台,以前大家要睇真係要喺電視睇,加上依家內地嘅平台可能快過香港,嗰度都搶咗啲收視,我全經理人合約拍無綫最後一部《當旺爸爸》,第一個禮拜收視都三十點,嗰時三十點係門檻嚟咋,依家收視點計我都唔知嘞,總之我嘅心態就係最緊要觀眾覺得好睇,收視對我嚟講,都唔介意,當然希望收視好啦!」

贊助商鏈接

2009年主演《碧血鹽梟》,除了與楊怡合唱主題曲《愛怎麼說》,還有這句經典對白。

自認「最適合演清裝」

提及網民指馬浚偉最適合演清裝,而且大部分都係演正面嘅角色,馬浚偉直言:「我承認我好適合演清裝,其實我自己都鍾意,我好鍾意剃光頭,因為我好怕打理頭髮,每次拍清裝啲人覺得我好大犧牲,其實我心裡面諗『正,呢半年又唔使整頭。』同埋我個頭形前面好圓,的確幾適合清裝頭,所以我自己係鍾意嘅。至於網民話我做親都係正面嘅角色,你咪講得好聽,通常呢啲叫正義L,我認,我自己都怕,所以由我離開無綫再返去,我已經講唔好再搵我做好人角色,我唔想做,(梅)小青姐兩年前搵我做《深》,我第一個條件就話純老正角色就唔好嘞,觀眾睇得辛苦、我自己都悶。所以個個都話徐志摩係渣男,我就係想做呢啲囉!」

贊助商鏈接

馬浚偉選劇本著重質量與挑戰:「你哋唔會諗到我做嘅角色,譬如變態之類,以後未必咁大機會見到馬浚偉做正義聯盟。」

馬浚偉 入行被噓足兩年

馬浚偉憶述入行第一間唱片公司係華納唱片,第一隻唱片係《幸運就是遇到你》:「當時Paco(黃柏高)簽我,喺華納三年,出咗三隻唱片。之後冇再做唱片,唔關當年唱片市道唔好事,係我自己第三隻碟唔賣得啫。我似唔似黎明?以前似㗎,特別係以前入行嗰時個髮型!」

贊助商鏈接

出道時被指似黎明,馬浚偉笑言:「我知佢最近嘅大喜事,我好戥佢開心呀!」(2007年無線劇集《突圍行動》經典Cap圖)

年尾出碟仆直 《妙手仁心》翻身

當年首張大碟唱片公司用「他不是學友、他不是克勤、他不是黎明」做宣傳口號,馬浚偉笑言:「有行內人直頭話:『乜你唱片公司度句咁嘅嘢?害死你!』我真係畀人噓足兩年,但唱片OK、第一、第二隻都賣得嘅,但真係每次出場,好多其他嘅fans都會噓,佢哋未必會明白,句嘢都唔係我度嘅,但唱片公司咁度有冇原因呢?有!因為嗰時我9月出碟,負責同事話:『年尾嘞,你一定要有啲嘩眾取寵少少嘅嘢去吸引人注意。』我覺得『嚇?』但我唔會怪佢哋,因為喺市場策劃上唔係完全冇道理,但的確令我條路難行咗,如果新人係要由零分開始,我嗰時係由負十分開始,去到《妙手仁心》出街,我係完全feel到啲觀眾另一種態度,個個好友善:『嗰個醫生仔,好得意、好好!』嗰時開始演藝事業有幾大轉變。」

贊助商鏈接

做電台得著多

講到查小欣曾大讚馬浚偉:「你睇馬浚偉幾紅,依家全世界都有聽佢個電台節目!依家做電台節目最紅係佢!」

馬浚偉笑言:「多謝小欣姐,小欣姐一向都偏心我。點解會做電台?其實我好多年前,喺香港電台做過主持,港台第二台嘅杜雯惠一放假就搵我去頂,或者同佢一齊主持節目。我對廣播係有興趣嘅,亦都有班人話我把聲適合做電台,呢樣嘢烙印咗喺個心入面。去年商台《晴朗的一天出發》之後,有半個鐘頭嘅節目時間,係Stephen(陳志雲)做,我有聽,一路到曾鈺成先生嘅《鈺成千里目》,到田北俊先生嘅《田式生活》,到吳雨大哥嘅《娛樂大哥》,因為我好早起身,成日都聽到曬呢啲節目。有次同陳志雲傾開偈,我話:『有時間我做啦!』就係咁,《偶然・馬浚偉》呢個名唔係我諗,係商台陳聰、郭志仁知道我會再做《偶然・徐志摩》所以諗出嚟。」

贊助商鏈接

馬浚偉去年9月起主持電台節目,嘉賓來自不同界別,包括周慧敏、陳寶珠、鄧萃雯、劉慧卿、林鄭月娥、范徐麗泰等:「咁多冇可能接受訪問嘅人都接受咗我訪問,喺我演藝又好,馬浚偉人生歷程又好,我都有好大得著。」

作為「黃雨改圖KOL」,今年現身天文台facebook,跟天文台台台長岑智明親解探討為何黃雨會水浸。

內容未完結,請點擊「第2頁」繼續瀏覽。

相關閱讀